Kryetari i Partisë së Lirisë, Ilir Meta tha se Elbasani do t’i japë përgjigjen e merituar Rilindjes më 14 maj.
Meta vlerësoi kandidaturën e Luçiano Boçit për kryebashkiak, ndërsa theksoi se ai ka ndezur flakën e fitores në të gjithë qarkun e Elbasanit.
“Qarku i Elbasanit duhet t’i japi përgjigjen më të merituar Rilindjes dhe duhet të dalë 7-0 për një arsye shumë të thjeshtë”, shprehet Meta.
Reagimi i Ilir Metës:
Zgjedhjet në Elbasan kanë përfunduar që ditën që Luçiano Boçi vendosi të lërë mandatin e deputetit për t’ia kthyer qytetin elbasanasve.
Faleminderit Luçiano që ke ndezur flakën e fitores në të gjitha Bashkitë e Qarkut të Elbasanit.
Qarku i Elbasanit duhet t’i japi përgjigjen më të merituar Rilindjes dhe duhet të dalë 7-0 për një arsye shumë të thjeshtë. Sepse Rilindja e katandisi Qarkun e Elbasanit në të parafundit përsa i takon nivelit të mirëqenies dhe nënkampion përsa i takon varfërisë në Shqipëri.
